أميرة سيد مكاوى: «أمير عيد ماسرقش لحن أبويا»

كتبت الكاتبة أميرة سيد مكاوى عبر حسابها الشخصي على "فيس بوك": "بخصوص إعلان حياة كريمة.. أنا مبتفرجش على تليفزيون، وحضرات المتابعين والأصدقاء هم اللي بلغوني إني أشوفه، يعني مكنتش أعرف عنه حاجة من أساسه".

وتابعت: بالنسبة لأمير عيد، هو مش سارق اللحن لأن الحقوق بتاعة المسرحيات تملكها المتحدة، وفيه خلط صغير كدة إنه ما دام عدى على اللحن ٥٠ سنة يبقى تراث، هو الحقيقة ٥٠ سنة من وفاة المبدع مش من وقت الإنتاج، لكن يظل الحق الأدبي محفوظ، وهم حصل عندهم لخبطة".

واستطردت: "لما حضراتكم بعتولي الإعلان تواصلت مع الشركة المنفذة وطلبت منهم ذكر أنه لحن أبويا وهم مشكورين تداركوا خطأ عدم ذكر الاسم وبقى موجود".

واختتمت "أميرة" بقولها: "فرجاءًا توقفوا عن إرسال رسائل لإبلاغي عن الإعلان و تشابه اللحن لأن الخطأ تم تداركه.. أخيرا بقى أبويا عمل لحن من ٥٠ سنة لسه بنحتاجه علشان نعمل حاجة حلوة ".