وزير التعليم الجديد: عملت بائعًا للجرائد وفخور إني بقول كده
كتب: سماح غنيم
علق الدكتور محمد عبد اللطيف، وزير التربية والتعليم والتعليم الجديد، على عمله منذ صغره في العديد من المجالات قبل دخوله مجال التعليم، وخاصة أنه حرص على العمل خلال فترة الدراسة وهو في سن 13 عامًا، وكان في أمريكا.
وقال عبد اللطيف، خلال تصريحات له، أنه أول عمل له اشتغل في بيع الجرائد، وبعدها عمل في مطعم، وعملت كل حاجة، معلقًا على ذلك بقوله: "أنا فخور جدًا إني بقول كده، لإن ده أكتر حاجة علمت معايا، واتعلمت من وأنا صغير اتحمل مسئولية، وتحملت مسئولية نفسي من وأنا عندي 13 سنة وكنت بصرف على نفسي في الغربة مش بلدنا".
وتابع وزير التعليم: "رجعت من ساعة ما رجعت لمصر للدراسة الجامعية موقفتش، وكملت شغل، وفخور بكده، ومن وقتها وأنا عندي 13 سنة ولحد الآن وأنا بصرف على نفسي الحمد لله، وفخور بده كله دلوقتي".
