أشرف زكي: بنساعد الفنانين عن طريق «جروب».. وريهام حجاج بتعمل خير كتير

كشف الدكتور أشرف زكي، نقيب المهن التمثيلية، عن تدشين بعض الفنانين لجروب يحمل اسم "ساعدوا زملاءكوا" على "واتس آب" لعمل الخير وتقديم المساعدات الإنسانية.

وأوضح "زكي" بقوله: "في ناس حابة متكونش في الجروب عشان بتعمل في الخفاء، بعتذر إن ممكن أنسى بعض الأسماء، أو أقول أسماء ممكن متكونش حابة تقول اسمها، شيكو، هشام ماجد، مصطفى خاطر، صابرين، ريهام حجاج دي شايلاني جامد شوية، هي تزعل إني قولت اسمها، ودنيا سمير غانم في عز معاناتها ما بتتأخر، إدوارد، أعد خمسين واحد، مبيتأخروش".

وتابع: "احنا مبنقولش بنعمل إيه، نجيب منين، ده شغلنا، لو في زميل هيعمل عملية هتكلف مليون جنيه، ده موضوعنا احنا، النقابة هتساهم بإيه، النقابة هتساهم بعشرين ألف جنيه، البقية الزملاء بقى"، مؤكدًا أن نقابة المهن التمثيلة تكفل أعضائها، والكثير من غير أعضائها، طالما ينتسبوا للأسرة الفنية، وجاء ذلك خلال استضافته مع الإعلامية بسمة وهبة في برنامج "العرافة" عبر قناة "المحور".