مشادة كلامية بين وليد دعبس وهاني حتحوت بشأن اللاعب الراحل أحمد رفعت.. تفاصيل
كتب: سماح غنيم
شهدت حلقة برنامج «الماتش»، الذي يقدمه الإعلامي هاني حتحوت، مشادة كلامية بين وليد دعبس، رئيس نادي مودرن سبورت، وحتحوت خلال الحديث عن اللاعب الراحل أحمد رفعت.
وجاء نص الحوار بينهما كالتالي:
دعبس: الموضوع فيه لبس، ده مفيش ورقة من نادي فيوتشر اللي هو ابني أنا غلط، وأحمد متعملش أي إجراء معاه غير كل خير ليه ولأسرته ولأي حد بيحبه، غير كده وكده مفيش برنامج متقلش فيه على أخلاقيات أحمد مني.
حتحوت: واثق من موقف ابنك (اللي هو مودرن سبورت) في هذه القضية؟
دعبس: واثق من الموقفين، موقف ابني، وابني اللي قاله أحمد رفعت، لو عمال تاخد في كلام أحمد رفعت كله نسيت ليه إنه قال الراجل ده مش رئيس نادي ده أبويا.
حتحوت: لأني ببساطة واقف عند نقطة واحدة وهي الضغط على رفعت وأدى بحسب اللاعب إلى وفاته أنا ميهمنيش الكويس اللي في القصة اللاعب قال أنا هموت.
دعبس: الظاهر أنت برضو بتحاول تحور الحوار، بقولك الراجل قال ده أبويا مش كلمة حلوة، أبويا دي كلمة كبيرة يا أستاذ.
حتحوت: لكن موت رفعت أكبر يا دكتور، والمسؤول عن موته لازم يحاسب.
دعبس: بالفكر ده دمرتوا الإعلام مش عايزين حد يتكلم.
حتحوت: هل دعيت إلى تحقيق خلال الأيام الماضية؟
دعبس: أنا أروح تحقيق؟ ليه إن شاء الله؟، على أساس إيه مش في لجان قانونية، إيه الكلام الفارغ ده، أنتم يا جماعة بقيتوا تقولوا كلام فارغ في فارغ، أنتم مش إعلام أنتم مأجورين.
