بعد الفيديو الخادش.. البلوجر هدير عبد الرازق: سمعتي بقت وحشة وحياتي اتدمرت

علقت البلوجر هدير عبد الرازق، على مقطع الفيديو الخادش الذي انتشر لها مؤخرا على منصات التواصل الاجتماعي، قائلة: معرفش الفيديو ده اتسرب إزاي، سمعتي بقت وحشة وحياتي اتدمرت بشكل كامل.

وأضافت هدير عبد الرازق،  في تصريحات لها:" اتفاجأت بالفيديو المنتشر لي وأنا مش طالعة أنكر وأقول إني مش في الفيديو والفيديو بتاعي لكن أقسم بالله معرفش انتشر إزاي انتشر وموبايلي اللي بطلع منه لايفات ما زال حرز في النيابة، ومعرفش الفيديو اتسرب إزاي وقدمت محضر في مباحث الإنترنت.

وتابعت: الشخص اللي كان معايا في الفيديو مش اللي بيطلع معايا في الفيديوهات وأنا مش إنسانة مش كويسة، واللي كان معايا في الفيديو كان جوزي على سنة الله وروسوله وإحنا اتجوزنا في 2021 ولم أعلن عن زواجي لأنه أمر شخصي، واطلقت أنا وجوزي ده من سنة.

وواصلت: أنا معرفش حاجة خالص عن الفيديو ده وأنا عمري ما مشيت في حاجة حرام وأنا مش بصاحب حد خالص، أي حد بيشوف الفيديو لازم يتقي الله وأنا حياتي اتدمرت بشكل كامل وانا ست متجوزة دلوقتي وهطلق دلوقتي بسبب المشكلة دي والفيديو ده.