أحمد صيام: إصابتي بالسرطان غيرت حياتي.. وقبلت بأدوار مش راضي عنها بسبب الفلوس

كشف الفنان أحمد صيام، عن إصابته بسرطان الرئة، وتطورات حالته الصحية، وذلك خلال لقائه بـ برنامج الستات التي تقدمه مفيدة شيحة وسهير جودة والمُذاع عبر قناة النهار.

إصابة أحمد صيام بسرطان الرئة

وقال أحمد صيام خلال لقائه: أنا كنت شرهًا في التدخين وكنت بدخن حوالي 6 علب سجائر يوميًا، وفي يوم صحيت من النوم اكتشفت أني تعبان صحيًا ووقتها خفت وقررت الابتعاد عن شرب السجائر ورميت كل السجائر اللي عندي.

وأضاف: لما رحت للدكتور وعملت أشعة وتحاليل اكتشفت أني مصاب بسرطان في الرئة، ومرات أخويا دكتورة ولما عرفت طلبت مني تاخد عينة وتحللها ونبدأ في طريق العلاج، وقتها رفضت وقلت لها متجيبيش سيرة لحد، ولكني وجدت طبيب لطيف وشاب ووافقت أعمل العميلة معاه.

وتابع: وقتها رحت عملت الجراحة وأنا داخل العمليات كنت بضحك وأخدت كيماوي بعد الجراحة وكل 6 شهور بعمل فحص من سنة 2007.

رفضه دور الشاذ

كما تحدث صيام عن سر رفضه دور الشاذ في فيلم عمارة يعقوبيان مع عادل إمام، وقال : أنا رفضت الدور ده بسبب بناتي.

وكشف أحمد صيام أيضًا عن تقديمه لأدوار غير راضي عنها، وقال : أنا قبلت بأدوار كتيرة مش راضي عنها بسبب احتياجي للفلوس، وكمان قرايبي في البلد بيفكروا إن الواحد بيجي يقف قدام الكاميرا وياخد شوال فلوس وهو مروح.