محمد فاضل: بحلم بتقديم قصة سيدنا يوسف في عمل درامي

كشف المخرج محمد فاضل عن حلمه في تقديم قصة سيدنا يوسف في عمل درامي، كما تحدث عن فكرة منع ظهور الأنبياء والرسل على الشاشات.

وقال محمد فاضل في لقائه ببرنامج "نظرة": "بحلم أقدم قصة سيدنا يوسف دراما، دا سيناريو إلهي".

وتابع محمد فاضل: "فكرة منع ظهور الأنبياء على الشاشة هما ليهم حق لأن ساعات بتستخدم استخدم مش كويس، لكن أنا ممكن أحط ضوابط عشان محرمش الناس من الاستفادة مما جاء في الكتب المقدسة من قصص إلهية، لا بد أن يكون هناك ضوابط لأن في النهاية دي أشياء مقدسة".

وأكمل محمد فاضل: "أنا عملت مرة أبو ذرة الغفاري سنة 1966 كسهرة تليفزيونية تأليف مصطفى كامل وكانت مدتها 3 ساعات وشافها الرئيس جمال عبد الناصر وأداني مكافأة 100 جنيه وأنا كان مرتبي 17 جنيه مع بعثة لألمانيا، مكنش في تضيق زي اللي موجود دلوقتي لأننا كنا حريصين جدا حتى أكتر من الشخص اللي هيراجع العمل، أنا كنت عايز أقدم فكر أبو ذرة الغفاري، مكنتش بدور على نجم كنت بدور على شخص يحترم الشخصية مش مجرد جاي يمثل عشان يشتهر لكن الشخصية نفسها ليها احترامها واللي قدم الشخصية عبد الله غيث".

يذكر أن آخر أعمال محمد فاضل كان مسلسل "الضاحك الباكي" عرض عام 2022.

ومسلسل "الضاحك الباكي" بطولة عمرو عبد الجليل، رزان مغربي وفردوس عبد الحميد، محمد سليمان، مصطفى شوقي، محمد صلاح آدم وهاجر الشرنوبي وهو من تأليف محمد الغيطي وإخراج محمد فاضل.