فلوسها حلوة.. أحمد موسى ينصح طلاب الثانوية العامة بدخول كليات التكنولوجيا

نصح الإعلامي أحمد موسى، طلاب وطالبات الثانوية العامة 2024، بدخول كليات التكنولوجيا وذلك بعد إعلان نتائج الشهادة الثانوية رسميًا، قائلاً: «مبروك ليكم كلكم.. ادخلوا كليات التكنولوجيا لأن فلوسها حلوة».

وأضاف أحمد موسى خلال تقديم برنامج «على مسئوليتي» المذاع على قناة صدى البلد: زمان كانت النتائج تعلن في الراديو، وكان الراديو يشتغل من الساعة 6 الصبح ويستنى يسمع اسمه ورقمه عشان النتيجة، وكان بيبقى يوم مبهج جدًا.

وتابع: ناظر مدرسة الثانوية العسكرية على أيامنا كان عامل شغل كبير، والإبرة كانت لما تقع على الأرض كانت ترن من شدة الانتباه والانضباط في طابور الصباح.

وأكمل: الدروس الخصوصية كانت موجودة، مش هقول إنها مكنتش موجودة يعني، والناس كلها كانت عارفة بعض والجميع يعلم ظروف الآخرين، فالأجواء كانت جميلة وكل بيوت مصر كانت بتنستنى النتيجة في الراديو مع بعض.

واختتم: مصر كلها كانت بتتفرج على نتيجة الثانوية العامة مساء أمس، وبقينا سامعين الزغاريد والفرحة في البيوت والشوارع، وكل الشكر والتقدير لكل أب وكل أم وفر كل الأجواء المتاحة لأبناءهم الطلاب خلال فترة الدراسة».