إبراهيم فايق يدعم قرارات الأهلي: محدش يعرف يعمل كدة غيره

أعلن الإعلامي إبراهيم فايق دعمه لقرارات النادي الأهلي الأخيرة والتي كان أبرزها تغييرات في لجنة التخطيط ومدير الكرة.

وكتب إبراهيم فايق عبر حسابعده الرسمي عبر موقع "إكس": الإدارة اللي تقرر في عز نجاحاتها واستحواذها على البطولات المحلية والإفريقية إنه تعمل تعديلات في هيكلها الأساسي هي إدارة تبحث عن استمرارية البقاء على القمة وبتحاول تاخد بالأسباب مش بالرصيد".

وتابع: "غيرها يقولك يا عم ما هي ماشية وبتطلع قماش والدنيا حلوة ألعب في الخلطة ليه؟ الحقيقة ده كلام الفهلوة.. إنما كلام الشغلانة بيقول أهم وأفضل وقت للتعديل وأنت ناجح وواقف على رجلك علشان ده معناه انك بتطور من نفسك ومش واقف مكانك ولا مستني تفشل علشان تنزل الابديت الجديد".

واختتم فايق حديثه بقوله: "الكلام ده يتحسب للنادي الأهلي وعلى رأسه كابتن محمود الخطيب.. محدش يعرف يعمل كده غيره.. محدش يعرف يواجه جمهوره بالتغييرات دي ويحافظ على الأسباب في الغرف المغلقة غيره.. المسألة تراكم خبرات ومسؤلية كبيرة وشخصية لها مواصفات".

وكان الأهلي قد أعلن رحيل محسن صالح رئيس لجنة التخطيط وتعيين مختار مختار بدلا منه، وتعيين سامي قمصان قائمة بأعمال مدير الكرة، ورحيل خالد البوادي مترجم النادي.