الإعلامي محمد موسى يكشف عن كواليس مشاجرة حميد الشاعري مع حلاق التجمع
كتب: سماح غنيم
كشف الإعلامي محمد موسى، كواليس مشاجرة الفنان والملحن حميد الشاعري مع أحد الحلاقين في منطقة التجمع الخامس، قائلا: سبب مشاجرة حميد الشاعري مع أحد الحلاقين في التجمع الخامس، يعود لخلاف بشأن «قصة الشعر».
وأضاف موسى، خلال تقديم برنامجه «خط أحمر» على قناة «الحدث اليوم»: ممكن يكون الحلاق استفز الأستاذ حميد بأي طريقة وممكن يكون زعله، لكن الكلام هنا عند الفنان الكبير العاقل صاحب النجومية اللي بسأله هو رمي الفلوس على الأرض عادي بالنسبة لك؟ يا فنان الفلوس دي اللي بنشتري بها النعمة، هو ينفع نرمي النعمة على الأرض، يا أخي الحلاق زعلك سيبه وامشي.
وتابع: الحلاق كان بيشوف شغله، وحكاية أنكم اختلفتم على شكل القصة ده مش معناه إنك ترمي له أجره على الأرض... ده بني آدم يا فنان!
واختتم: عايز أقولك إنك خسرت كتير جدًا جدًا بسبب تصرفك ده... وطبعًا الحلاق يعدي الموضوع لأ، طبعًا يعديه إزاي، راح جايب الكاميرا بتاعته ومفرغها وطلع فيديو الخناقة على تيك توك لتشويه حميد الشاعري والفيديو انتشر كالنار في الهشيم.
