المخرج يسري نصر الله: الإخراج ليس وظيفة وإنما حياة بالنسبة لي

تحدث المخرج يسري نصر الله، عن مهنة الإخراج، قائلا: الإخراج ليس وظيفة، وإنما حياة بالنسبة لي، لكن عمري ما هعمل حاجة غصب عنّي أو مش مقتنع بها، هفشل تمامًا والشغف حاجة ماينفعش نفتعلها.

وأضاف يسري نصر الله في تصريحات تليفزيونية: لم أندم على اختيار عمل؛ نظرًا لأنه عادةً يكتب كل أعماله التي يقوم بإخراجها، لكن في أفلام كان المفروض تعمل في وقتها، والمنتج يغير رأيه، أو عايز يغير الممثلين، فيحصل عناد وأقول مش هعمله، والمفروض كنت أخده وأعمله بالممثلين اللي عايز اشتغل معاهم.

وتابع: في الفترة دي كنت مستسهل ومبسوط إني مع منتج شايل الفيلم، وبعدين مايكملش الفيلم معاه، كان المفروض اعمله مع منتج تاني رغم إن ده هيكلفني فاتورته، إنما كان اتعمل الفيلم، وعلى سبيل المثال فيلم (مركز التجارة العالمي) وده كان لازم يتصور أيامها في منطقة بولاق أبوالعلا، وفي وكالة البلح، النهارده مقدرش أعمله هناك.