نص التسريب الجديد لـ«مرسي» في «الاختيار 3»: أيمن نور «بني آدم عجيب وإبراهيم المعلم محيرني»
كتب: علي محمد
شهدت الحلقة الـ16 من مسلسل «الاختيار 3» تسريبًا جديدًا بين محمد مرسي، مندوب الإخوان في الرئاسة، ومحمد بديع، مرشد جماعة الإخوان الإرهابية، هاجم من خلاله «مرسي» أيمن نور وعمر عفيفي وإبراهيم المعلم.
تسريب مرسي وبديع في «الاختيار 3»
وخلال التسريب الذي شهدته الحلقة الـ16 من «الاختيار 3» قال محمد مرسي: «شوف أيمن نور ده بيتحايل عليا إن أنا أقول لإخوانا يعفو عنه، وبتاع ومش عارف إيه.. عشان الحكم يجمعهم في بيته تلت أربع خمس مرات يجيب 50 أو60 أو70 واحد ويرتب معاهم عشان يوم 25... بني آدم عجيب الشكل ما بيتعظش أبدًا».
وخلال التسريب رد عليه المرشد محمد بديع: «وحصل أي يوم خمسة وعشرين.. مشهد في العام كله بيقولوا أحسن من يوم 25 الأولاني».
وقال محمد مرسي: «وعمر عفيفي اتصل من أمريكا.. وقال مش عارف إيه خطة الهجوم على الميدان، هو بيستعبط، وأنا مش فاهم إبراهيم المعلم بيعمل إيه ده محيرني بصراحة يقعد يتصل بيا يقول: (أنتوا بابا.. وأنتوا ماما.. وأنتوا أنور وجدي) وبعدين تبص تلاقي كاركتير في غاية السوء مهيج».
أبطال وصناع مسلسل «الاختيار 3»
يُذكر أن مسلسل «الاختيار 3» من تأليف هانى سرحان، وإخراج بيتر ميمى، إنتاج شركة سينرجي بطولة كل من: أحمد السقا وكريم عبد العزيز وأحمد عز وياسر جلال، وخالد الصاوى، صبرى فواز، جمال سليمان، محمد رياض، إيمان العاصى، هيدى كرم، سمر مرسى، نور محمود، خالد زكى، منى عبد الغنى، مفيد عاشور، نادية رشاد، أمير المصرى، محمود البزاوى.
