جوري بكر عن عودتها لزوجها سريعاً: مكانش تريند وأي ست مجنونة بتتعصب على حاجات تافهة
كتب: مؤمن نصر
تحدثت الفنانة جوري بكر،عن موقفها النبيل اتجاه طفلها رضيعة وجدتها ملقاه في الشارع دون اهتمام لتقوم بتنظيفها، معقبة :"من بعد ما بقيت أم الموضوع بقى صعب وأي بنى أدم هيشوف المنظر ده مع أم وطفلتها رضيعة في درجة حرارة صعبة هيعمل كده".
وتابعت جوري بكر، خلال مداخلة هاتفية في برنامج "تفاصيل"، مع الإعلامية نهال طايل، والذي يعرض عبر فضائية "صدى البلد 2": "أي ست هتشوف المنظر ده وخاصة الأم هيصعب عليها الموقف لأنها ملهاش مأوى والطفلة رضيعة كانت في حجم ابني الصغير وهي وحشتني أوي زي ما كنت متعودة أشوفها، واتأثرت بيها وكان نفسي أربيها مع ابني بس ده مسؤولية كبيرة عليا وحاولت أساعد أمها بس هي رفضت وهربت وخدت البنت ومشيت وبتمنى تكون البنت بخير وكويسة وبدعيلها كل يوم".
وأشارت جوري بكر، إلى أن انفصالها عن زوجها وعودتهما سريعاً لم يكن قصده التريند ولكن الموضوع عبارة عن سرعة قرار جاء وقت غير موفق، "أي ست مجنونة بتنفعل وبتتعصب على حاجات تافهة ممكن تعمل أي تصرف غصب عنها والسوشيال ميديا ده مكان لأخبار الفنانين واللي عملته غلط لأني مش المفروض أتكلم عن حياتي الشخصية".
وتحدثت جوري بكر عن هجوم البعض عليها بسبب قبلتها لشقيقتها، قائلة :"معرفش الناس بتهاجم ليه يمكن دي صفحات الناس بتسلطها عليا وأنا وغيري من الفنانات بنعمل كده وأخدنا الصورة دي أنا وأختي وإحنا صغيرين وحبينا نعملها لما كبرنا والموضوع بسيط".
ونفت جوري بكر ما قالته في تصريحات صحفية بأن "جمال مي عمر مينفعش في الشعبي" ، مؤكدة أنها قامت بترشيحها في مسلسل جعفر العمدة وتجمعها علاقة صداقة قوية بينها وبين زوجها المخرج محمد سامي.
اقرأ أيضاً: جوري بكر: في ناس بتكرهني من غير ما أعملهم حاجه علشان أنا أحلى منهم
