إيمى سمير غانم تخرج من المستشفى بصحبة زوجها حسن الرداد بعد علاجها من ضيق في التنفس

خرجت الفنانة إيمى سمير غانم من المستشفى بصحبة زوجها الفنان حسن الرداد بعد علاجها من ضيق في التنفس.        

وتخضع إيمي لجلسات أكسجين في المنزل، طبقا لتوجيهات الطبيب، حيث تعاني من دور حسساية شديدة، وجلسات الأكسجين المنزلية تساعدها في فتح الشعب الهوائية.

وكانت تذكرت النجمة إيمى سمير غانم، والديها الفنانين الكبار سمير غانم ودلال عبد العزيز، بكلمات مؤثرة في بوست نشرته عبر صفحتها الشخصية على موقع تبادل الصور والفيديوهات إنستجرام، حيث كتبت: "كل شوية أقول أمتى أشوفكم، بجد الفراق فعلاً من أصعب الحاجات اللي بنحس بيها، ربنا يصبر كل اللي حاسس بيا، بكون عايزة أحكي لهم بشوف إيه في حياتي ومين مزعلني ويشوفوا ابني".

وأضافت: تفاصيل كتير وطبعًا الحياة لازم تستمر والكلام اللي انتوا عارفينوا ده، ونشتغل ونربي أولادنا ونضحك ونعيش أيامنا بس التفكير فيهم مش بيهدا.. نصيحة مني لكل ولد وبنت ربنا يخلي لكم باباكم ومامتكم تفضلوا تحت رجليهم كل يوم، مش مهم الأصحاب مش مهم السفر مش مهم غير أنهم يكونوا هما وأولادكم كل يوم معاكم، وربنا يصبر كل الناس.. الفاتحة وربنا يغفر لهم ويجمعنا بيهم في الجنة.