فاطمة الكاشف: نجمة كبيرة كانت معجبة بجوزي جمال عبد الناصر وبتجري وراه

تحدثت الفنانة فاطمة الكاشف عن زوجها الفنان جمال عبد الناصر، كاشفة أن فنانة شهيرة كانت معجبة به.

وقالت فاطمة الكاشف خلال لقائها في برنامج "قعدة ستات": "الموضوع حصل من سنين كتيرة، كان في نجمة معجبة بيه جدا جدا وهو كان وهو صغير عامل زي أميتاب باتشان والشعر الأسود كان قمر، هو مكنش معجب بيها، أنا غيرت من جوايا، عرفت من مصادر برا مش منه طبعا بس هو كان بيحترمها جدا ومكنش في دماغه حاجة لأننا متجوزين عن حب، لما لقيت في شوشرة كتير برا أنا قلت له يا أنا والبيت وكده يا حضرتك مع النجمة".

وتابعت فاطمة الكاشف: "هو مكنش في حاجة كان في إعجاب من الطرف الآخر، وأنا واجهته، اتقالي من ناس روحي اللوكيشن وقوليلها أن دا جوزي وبحبه، لكن أنا محبتش أقلل من نفسي".

وأكملت:" هو أخد قرار حلو أوي، كان ليه شغل معاها وكان عندنا سيناريوهات كتير، رجعها واعتذر ومشتغلش معاها تاني، كانت هي النجمة اللي بترشحه لأنها كانت كبيرة فنيا جدا".

وكشفت فاطمة الكاشف عن قصة حبها لجمال عبد الناصر وقالت إنه عندما قررا الزواج طلب منها الجلوس في المنزل، ورغم أنها كانت في بداياتها وحققت نجاحا بمشاركتها في أعمال عديدة لكنها قبلت بسبب الحب.

يذكر أن آخر أعمال فاطمة الكاشف مشاركتها في مسلسل "سيب وأنا أسب".

مسلسل "سيب وأنا أسيب" عرض عبر منصة "شاهد vip"، وهو من بطولة هنا الزاهد وأحمد السعدني محمد جمعة، محمود البزاوي، عارفة عبدالرسول، أحمد سلطان، آية سماحة، ساندي، دنيا سامي، محمود السيسي، يارا جبران، كارلوس عازار، هنادي مهنا، من تأليف رنا أبو الريش بمشاركة منة فوزي وإخراج وائل إحسان.