بشرى عن شائعة انفصالها: متصدقوش كل حاجة بتسمعوها

كشفت النجمة بشرى عن أنها تستعد للاتفاق مع شركة عالمية لكشف المسؤولين عن إطلاق شائعات حول حياتها الشخصية، وذلك بعد تداول شائعة انفصالها عن زوجها خالد حميدة.

وقالت بشرى في تصريحات لبرنامج ET بالعربي: "وجودنا مع بعض أنا وخالد أكبر تكذيب للشائعات، وبقول للناس متصدقوش كل حاجة بتسمعوها، لأن في إشاعات مغرضة وحملات ممنهجة".

وأضافت بشرى: "قررت أتفق مع شركة عالمية لكشف الناس اللي بتعمل حملات سواء ضدي أو ضد أي فنان، حتى لو هسيب كل اللي ورايا وأركز في الموضوع ده. إحنا حوالينا حروب وبلاد بتصارع عشان تعيش، مش معقول نبقى بالتفاهة دي".

تحدثت بشرى خلال اللقاء عن فارق السن بينها وبين زوجها قائلة: “حكاية فرق السن دي خيابة، فرق السن بيني وبينه عبيط، وكنا في المدرسة مع بعض، ودي حاجة متخصش حد".

واحتفلت بشرى بزواجها في 31 يوليو الماضي، وأقامت حفلا في الساحل الشمالي وحضره عدد كبير من النجوم.