ليلي غفران: «كان نفسي أجيب أطفال من غير جواز.. ومن كتر جوازاتي نسيت أساميهم»

كشفت الفنانة ليلى غفران عن رأيها في الزواج وعدد زيجاتها.

وأوضحت "غفران بقولها: "كان نفسي أجيب عيال من غير جواز لأن كل زيجاتي غير موفقة، وعلشان أنا طيبة زيادة عن اللزوم عشان كدة مكنش فيه نجاح لزيجاتي".

وتابعت: "خلال زيجاتي مكنتش بحب الغلط، وكنت أتغاضى مرة واتنين ولكن بعد كدة مبسكتش، وتعرضت للخيانة وشوفت بعيني كمان، وفيه خيانة سامحت فيها لكن مقدرتش استحمل من جوايا".

وتابعت: "الجواز عاملي اكتفاء ذاتي، ومش عايزة أعيش مع حد، وما زال فيه ناس بتتقدم ليا لحد النهاردة بس أنا خلاص اكتفيت، وكان فيه حد متقدملي قريب بس أنا عاجبني حالي لوحدي".

واختتمت "غفران" بقولها: "اتجوزت 5 مرات بس منهم جوازات باعتبرهم مش جوازات لأنها عدت مرور الكرام، ومن كتر جوازاتي نسيت أسامي اللى اتجوزتهم"، وجاء ذلك خلال استضافتها مع الإعلامية ياسمين عز في برنامج "كلام الناس في رمضان" المذاع على قناة "mbc مصر".