الشناوي: مصطفى شوبير أخويا الصغير.. ولاعيبة الأهلي دائمًا في ضهر بعض

رد محمد الشناوي، حارس مرمى الفريق الأول لكرة القدم بالنادي الأهلي، على سياسة التدوير بينه وبين مصطفى شوبير، في حراسة مرمى النادي الأهلي، قائلا: «احنا اتكلمنا في الموضوع ده قبل كده، ودي أخر مرة هتكلم فيه وياريت نقفله». 

وأضاف الشناوي، خلال المؤتمر الصحفي الخاص بمباراة الأهلي وسيراميكا كليوباترا: «إحنا الأهلي أي 11 واحد في الملعب كلنا في ضهرهم، في تفاهم بيني وبين كولر، بنتكلم كتير بصفتي كابتن الفريق».

وتابع: «مصطفى شوبير، ظهر بمستوى مميز للغاية في بطولة دوري أبطال أفريقيا في الموسم الماضي، وهو أخويا الصغير لازم أسانده.. لعيبة الأهلي في ضهر بعض».

وأكمل: «الناس لازم تبقى عارفة مين ميلعب ومين ميلعبش مش بتاعت حد، في مدير فني هو المسؤول عن اختيار التشكيل، وأي 11 لاعب في الملعب كلنا في ضهرهم ده سيستم ونظام في الأهلي».