مروة صبري تهاجم منى فاروق: طالعة تعلمي الجمهور الأدب وإنتي بتكلمي بطريقة مبتذلة

هاجمت الإعلامية مروة صبري الفنانة منى فاروق، بعد ظهورها مؤخرا في بث مباشر عبر تطبيق تيك تيوك، وقيامها بالرد على متابعيها بطريقة وصفتها بالمبتذلة.

وقالت مروة صبري خلال تقديمها برنامج "قعدة ستات" المذاع عبر قناة ألفا اليوم: "منى فاروق طلعت من يومين تقريبا على تيك توك ووصفت نفسها بأبشع الوصف، وقالت أنا تنحة ورزلة وسخيفة، لأن أحد متابعيها قال لها تعليق معجبهاش، فقررت ترد عليه وتهزأ المتابع وكل المتفرجين عليها، وإتكلمت بشكل غير لائق وغير مسموح، وغير طريقتها الغلبانة المسكينة اللي عايزة الناس تساعدها تشتغل".

وأضافت مروة صبري: "منى فاروق قالت حاجة عجيبة الواحد توقف عندها، قالت أنا بيضا وحلوة وقشطة وجسمي حلو، وأي راجل في الدنيا يتمناني، وأنا اللي مش بيطولني بيحاربني، ومش هخلي حد يطولني، وأنا بتجوز في الحلال ومش بعمل حاجة حرام".

وتابعت مروة صبري: "يعني إنت عايزة إيه بالجملة دي؟ إنت طالعة تهيني الناس وتعلميهم الأدب والعفة؟ إيه الطريقة المبتذلة دي في الكلام؟".