«شغل بيتعمل من غير ضمير».. لماذا هاجمت أسما شريف منير «الصحافة المصرية»؟
كتب: متابعات
هاجمت أسما شريف منير، الصحافة المصرية، بعد تداول المواقع الصحفية تصريح لها، مشيرة إلى أن الصحافة أصبحت تهتم بالعناوين المثيرة بدلًا من نقل الحقائق.
أسما شريف منير تهاجم الصحافة المصرية
وكتبت أسما، منشورا عبر حسابها الشخصي على "إنستجرام"، جاء نصه: "أنا تخنت، مش مية كيلو بس تخنت، وعبّرت عن ده بكل بصراحة. طبيعي أحس بعدم راحة لأن جسمي مش زي ما متعوده عليه، ولما اتسألت في برنامج، قلت إنّي باخد دواء "لنوبات الهلع" (Panic attacks)، لكن، للأسف، الصحافة عندنا بقت تهتم بالعناوين المثيرة أكتر من إنها تنقل الحقائق أو تهتم بحال الناس بجد".
وتابعت: "زمان، الصحفي كان بيتعب عشان يجيب الخبر، وكان شغله فيه أمانة وإتقان وتحقيق. دلوقتي، الأخبار بقت مجرد نسخ و يلا نملي و خلاص ، زي التلميذ اللي بيغش وغلط كمان. فبدل ما ينقلوا كلامي صح، حولوا نوبة الهلع لنوبة صرع، و في قالوا مرض نادر.. جابولي مرض مش عندي. وأهو الخبر انتشر، وموجود مدى الحياة، والناس اللي هتشوفه في أوقات مختلفة هتصدق المعلومة المغلوطة، حتى لو الحقيقة ظهرت".
عرض هذا المنشور على Instagram
أسما شريف منير تتعرض للتنمر
وتعرضت أسما شريف منير، مؤخرًا، لموجة من الانتقادات والتنمر على شكلها ووزنها، ما دفعها للرد عبر حسابها الشخصي على "إنستجرام".
