منها القراءة الصحيحة للقرآن.. «4» أمنيات تمنى الإعلامي محمود سعد تحقيقها
كتب: متابعات
كشف الإعلامي محمود سعد، لمتابعيه عن أمور كان يتمنى أن يستطع تحقيقها، لكنها فاتته.
أمنيات تمنى الإعلامي محمود سعد تحقيقها
وقال محمود سعد، في مقطع فيديو عبر حسابه الشخصي على موقع تبادل الصور والفيديوهات "إنستجرام": "طبعا في حاجات كتير نفسي اعملها وفاتتني، لغاية دلوقتي قاعد أفكر ازاي لما أم كلثوم ماتت سنة 1975 يعني كان عندي 21 سنة، ازاي محضرتلهاش حفلة وهي كانت آخر حفلة ليها سنة 1973 يعني كان عندي 19 سنة".
تابع: "كنت أحب جدا أتعلم إنجليزي أنا كنت شاطر فيه في ثانوي، معرفش إيه اللي حصل لما دخلت الجامعة اتكعورت كده ونسيت الإنجليزي خالص دي من الحاجات اللي أنا أخطأت فيها خطأ كبير جدا إن أنا مأصرتش إن أنا اتعلم اللغة".
استكمل: "كنت نفسي أعرف القراءة الصحيحة للقرآن الكريم دي كانت حاجة شاغلاني طول الوقت كنت عايز أقرأ القرآن صح يعني بالقراءة اللي هما بيقروها دي مبعرفش أقرأها خالص، حاولت بس أصلح في التشكيل إنما مش القراءة اللي كنت أحبها".
اختتم: "نفسي دلوقتي في إيه؟ نفسي ميبقاش عندي أي مسئولية خالص واستمتع بالحياة الهادئة اللي أنا نفسي فيها، يعني التعامل مع الحياة على التراخي، يعني بالراحة شوية مفيش حاجة مستاهلة، ده نفسي فيه مش عارف اعمله، مش عارف أقول ستوب بقى كفاية كده، مش قادر أخد القرار ده بصراحة".
View this post on Instagram
