بعد جدل سرقة سيناريو "الهوى سلطان".. عمرو سمير عاطف يعلق: "ما ينفعش نصدق بدون دليل"

علق السيناريست عمرو سمير عاطف، على جدل سرقة سيناريو فيلم "الهوى سلطان"، وذلك بعدما اتهمت المؤلفة الشابة رشا عزت الجزار، صناع فيلم "الهوى سلطان" بسرقة قصته من سيناريو كانت قد عرضته على عدد من شركات الإنتاج في السابق.

وكتب عمرو سمير عاطف، عبر حسابه على :فيسبوك": "لما واحد يطلع يقول ان سيناريو فيلم او مسلسل اتسرق منه ما ينفعش ارد عليه واقوله ما تسيبش حقك انما اقوله اتأكد الاول  لان ممكن جدا تكون غلطان ما ينفعش نصدق بدون دليل وما ينفعش أبدا انك تسمع من طرف واحد وتاخد موقف والمفروض اتهام زي ده لو طلع غلط يبقى فيه حساب عسير من النقابة لان اتهام الناس بالسرقة مش حاجة بسيطة".

وكانت قد كتبت المؤلفة رشا عزت الجزار، عبر فيسبوك، تتهم مؤلفة الفيلم بسرقة قصة السيناريو الخاص بها، قائلة: "فيلم الهوى سلطان هو معالجة فيلم حُبي الأول..من تأليفي، في سبتمبر 2017 قمت بكتابة فيلم روائي طويل بعنوان حُبي الأول، وده كان اسم مؤقت للفيلم ومُثبت عندي على الإيميلات والواتس آب بتواريخ المراسلات للمخرجين والمنتجين في رحلة البحث عن إنتاج من حينها وحتي اشهر قريبة".

وتابعت:"يوم الخميس 7 نوفمبر الحالي، دخلت السينما عشان اشوف فيلم الهوي سلطان، وده لأني بنتظر أي فيلم جديد ينزل السينما وبجري عشان اشوفه، وكنت متحمسه جدا لأني بحب منة شلبي وبشوف كل اعمالها، اتفاجئت إن قصة الفيلم كامله (بأكد تاني كاملة) مسروقة من قصة فيلمي (حبي الأول بكل التفاصيل.. مع اختلاف اللوكيشن والحوار".

فيلم الهوى سلطان