أحمد عز: النجاح بالنسبة لي هو ان افلامي تعيش

تحدث الفنان أحمد عز عن بداية مشواره الفني وامتنانه للصحافة بسبب دعمهم له، وذلك خلال الندوة التي أقيمت منذ قليل على هامش تكريمه بجائزة فاتن حمامة للتميز ضمن فعاليات أيام القاهرة لصناعة السينما، بمهرجان القاهرة السينمائي الدولي في دورته الـ45.

وقال: "في بداياتي مكنش حد ممكن يعرفني غير بسبب كتاباتكوا عني، سواء كان نقد او كلام كويس، وانا بشكركم جدا جدا وممتن لده طول عمري".

وأضاف عز: "الفن مش بس انك تقدم فيلم او عمل بس لازم يبقي في رسالة، والنجاح بالنسبة لي هو ان افلامي تعيش، زي ما انا بتفرج علي افلام نجومنا الكبار، زي النجم الكبير نجيب الريحاني وافلامه، اول مشهد امثله كان في مسرح المدرسة وكانت مسرحية بيقوم بطولتها والمدرس من كتر ما طلبت منه اداني دور صغير جدا كنت بقول اه بس والحقيقة انه مع عرض المسرحية جاب حد تاني يعمل الصوت وانا امثل اني بعمله بس، الحمدلله احنا فين دلوقتي".

واشار عز: "اول ما اتخرجت اشتغلت في مجال الفنادق ومنعا لـ الموديلينج، وكنت فاكراني انا كده صح، ومن بعدها حصلت حاجات كتير وصلت لدور في مسلسل زيزينيا، وانا ممتن للدور لحد دلوقتي".

وتشهد الدورة الخامسة والأربعين من مهرجان القاهرة السينمائي، مشاركة 194 فيلمًا من 72 دولة، بينما تشمل الفعاليات 16 عرضًا للسجادة الحمراء، و37 عرضًا عالميًا أول، و8 عروض دولية أولى، و119 عرضًا لمنطقة الشرق الأوسط وأفريقيا.