خالد الجندي: انتشار ظاهرة المستريح سببه دعاة السوء الذين يحرمون البنوك (فيديو)
كتب: متابعات
أرجع الشيخ خالد الجندي، انتشار ظاهرة المستريح في المجتمع؛ إلى تحريم بعض الدعاة بأن التعامل مع البنوك حرام شرعا لأن بها ربا.
خالد الجندي يكشف سبب انتشار ظاهرة "المستريح"
وقال خالد الجندي، في برنامج "لعلهم يفقهون" المذاع على dmc: "ييجي واحد يمهد الطريق للمستريح وده لقب بنطلقه على اللي بياكلوا أموال الناس بحجة توظيفها في ما وراء القانون، فبتكون المصيبة، إحنا شوفنا ناس باعوا الجاموسة اللي بياكلوا منها علشان يحطها مع واحد من دول وخلاص راحت الفلوس".
وأضاف: "بسبب إن دعاة السوء قالوا البنوك ربا وحرام وبتاكل أموال الناس بالباطل، وهما اللي بياكلوا أموال الناس الباطل وتلاقيه بيدعي التدين وهو يلم 2,3 مليار ويهرب أو يتسجن والناس راحت فلوسها".
وتابع خالد الجندي: "البنوك هنا حلت المشكلة، منعت النزاع وأكدت المعاملة والأمر الديني إذا تداينتم بشيء فاكتبوه، حافظت على كرامة المسلم، مفيش ربا لأن الموضوع متفق عليه بين الطرفين، وبعدين صيغة القرض، مش قرض ده تمويل ما بين طرفين لأن البنك لا يتعامل مع فقير أصلا، الفقير الله يعينه ليه أبواب تانية زي الجمعيات الخيرية".
