«الأصل الطيب بيظهر في المواقف دي».. هيثم نبيل يشيد بدعم تامر حسني لأسرة محمد رحيم

أشاد الفنان هيثم نبيل بدعم الفنان تامر حسني، لأسرة الملحن الراحل محمد رحيم، بعد وفاته في الساعات القليلة الماضية، بشكل مفاجئ.

دعم تامر حسني لأسرة محمد رحيم 

وكتب هيثم نبيل، عبر حسابه الرسمي على موقع التواصل الاجتماعي «فيسبوك»: «عايز تعرف كرم ربنا وتوفيقه بييجي منين دور في الباطن مش في الظاهر، رحيم كان أول ملحن جنب تامر حسني في بداية مسيرته ولما روحت الفجر لبيت رحيم كان تامر حسني وحسام وكل فريق عمل تامر أول ناس موجودة في بيت رحيم وجنبه في نهاية مسيرته الحياتية».

وأضافهيثم نبيل: «الأصل الطيب بيظهر في المواقف دي وهو ده الباطن لسبب توفيق ربنا وكرمه مفيش نجاح كبير موارهوش أسباب بعيد عن اللي بتقدمه، اللي بتقدمه لأهلك وللي حواليك هو السحر الرباني اللي بيجري بيك قبل أي شطارة واجتهاد.. دور ورا أي توفيق هتلاقي سبب إنساني».

واختتم حديثه قائلا: «البوست ده مش في حق تامر لأنها حاجة مش جديدة الكلام ده للناس اللي مش فاهمة حكمة ربنا في كل حاجة بتشوفها وبتضعف اشتغل على الباطن يأتيك الظاهر».

وفاة الملحن محمد رحيم

يذكر أن الملحن والمغني محمد رحيم رحل عن عالمنا بشكل مفاجئ، في الساعات الأولى من صباح اليوم، السبت، وهو ما تسبب في صدمة كبيرة لأصدقائه ومحبيه من الوسط الفني.