ويجز لـ رامي صبري: «أحرجتني بأدبك.. بالتوفيق يا مجتهد يا شاطر»

انتهت الأزمة بين الفنان رامي صبري والرابر ويجز، بعد مبادرة الأول بالصلح، ورد ويجز على تلك المبادرة، برسالة تفتح صفحة جديدة بين الطرفين.

تفاصيل انتهاء الأزمة بين رامي صبري وويجز

وشارك ويجز، من خلال خاصية "ستوري عبر حسابه على "إنستجرام"، ما كتبه رامي صبري قبل ساعات قليلة عبر "فيسبوك"، ردًّا على تعليق الشاعر تامر حسين الذي حاول تهدئة الأجواء.

وعلق ويجز بالقول: "سامحتني قبل ما أعتذر، أخلاق ملاك بجد أحرجتني بأدبك، حصل خير يا رامي.

وأضاف: بعدين أخوك الصغير إيه، أنت عجزت؟! أنت لسه صغير قوي.. بالتوفيق يا مجتهد يا شاطر".

رامي صبري: ويجز أخويا الصغير

في وقت سابق من اليوم الأربعاء، شارك رامي صبري منشورًا عبر "فيسبوك"، رد فيه على منشور للشاعر تامر حسين الذي حاول تهدئة الأجواء.

وكتب صبري: "حبيبي تامر حسين الشاعر الكبير العظيم، شكرًا على كلامك الحلو زيك، ويجز أخويا الصغير وأنا مسامحه، وحصل خير".

أما تامر حسين، فكتب في منشوره رسالة لـ "رامي صبري": "شهادتي فيك مجروحة، أنت صوت عبقري مش محتاج رأيي، وخطواتك ما شاء الله على طريق النجاح بتكبر وتزيد، كل سنة عندك نجاح أكبر، ومكسر الدنيا، ولسه شايف ترتيب الأغاني، أنت رقم ٢ في الاستماع بعد الهضبة بألبوم مكانك وفي الصدارة".

واستكمل حديثه: "تصريح ويجز مش موفق، رغم أني شفته في أكتر من لقاء وكان راجل مثقف ومهذب، جايز يكون واخد على خاطره أو فهم كلامك غلط، إنما الأرقام اللي قالها مش أرقامك، والطريقة مش مناسبة، وإنت الكبير يا روم".

وتابع: "ويجز لو يعرف إنك أول واحد بعتلي أغنية البخت وقلتلي: الراجل ده عنده حاجة مختلفة، مكنش هيزعل كده، ودي شهادة حق والله".