«ادعولى كتير.. راضية والحمدلله».. سالي عبد السلام تتعرض للإجهاض في توأم
كتب: متابعات
أعلنت الإعلامية سالي عبدالسلام، مقدمة برنامج قصة حقيقية المعروض على القناة «الأولى»، تعرضها للإجهاض بعد انتظارها فرصة الحمل لمدة عامين .
سالي عبدالسلام تتعرض للإجهاض
وكتبت سالي عبدالسلام عبر «إنستجرام»: «قدر الله وماشاء فعل من كام يوم ..وده بعد سنتين انتظار التوأم اللى كان نفسى فيهم اوى يا رب.. سنتين صبر وانت مفيش قدامك غير الصبر زى أي رزق والحمدلله أن اختباري كان في الصبر وبس مش اكتر وكنت طالباها تيجى من عند ربنا خالص ومن غير تدخل دكاترة».
و أضافت: «الحمدلله على نعمة الاخذ بعد العطاء.. يا رب.. فقدت اغلى ما ليا.. واللى كان هيكون ليا..الحمدلله.. قدرى الحمدلله.. أنا بكتب الكلام ده عشان يمكن حد يتعلم.. كل حد قالى وقال عليا مش عايزة تخلف عشان خايفة على جسمها وشغلها.. وكانت اوحش حاجة سمعتها في حياتى».
وتابعت: «عشان كل حد بيضغط على اللى قدامه وفاكر انه حقه وده لا يحق له عشان المفروض انه قريب أو معتبر نفسه كدة ومش من اهله اصلًا ولا يحق له ويحسسهم أن وراهم تارجت يا اما هيكون منبوذ منهم وهنسود عيشتك بسؤالنا كل شهر ونضغط عليك مع انهم مش هيشيلوا اصلا ومحدش هيشيل غيرك».
واستكملت: «اوعى تقولى انك حامل وخافى من العين واى كلام في الموضوع ده بالذات.. اهه مقولتش وبرضه محصلش ومع احترامى ليهم العرسة بتخلف ده مش انجاز..عشان كل ست اوعى تبقى بـ100ست وتشيلى مسؤولية كل حاجة لوحدك «لوحدك».. الست الجدعة بجد مبتاخدش حاجة.. الست الجدعة محدش بيساعدها وكله بيرمى عليها وكمان لما منعرفش نبقى زيها نعطلها أو نقلل منها وبمعنى اصح نبقى سبب في سقوط كل حاجة فيها مش اطفالها بس يا ريتنى قولت مبعرفش أو مش هقدر عشان موصلش لكدة».
و اختتمت: «كلنا تعبنا وبنتعب ومحدش بيحس ومحدش طلب منك تحس..بس الرحمة ... الرحمة..كل اللى كتبت عنهم بينى وبينكم الله...انا لله وانا اليه راجعون.. ادعولى كتير.. راضية والحمدلله..بس بنهار وانا بصلى ومش بطلب غير الثبات من ربنا..بس ليا بيتين في الجنة.. اخترت الاخرة والابقى يا الله».
عرض هذا المنشور على Instagram
