«روحوا اتعالجوا».. هاجر الشرنوبي ترد على منتقدي صورتها مع ابنها في عيد ميلاده (فيديو)
كتب: متابعات
علقت الفنانة هاجر الشرنوبي، على الانتقادات التي وجهت لها بسبب صورتها مع ابنها والذي ظهرت فيها وهي تقبله من فمه أثناء احتفالهم سويا بعيد ميلاده وشاركتها على حسابها الرسمي على "انستجرام".
هاجر الشرنوبي ترد على منتقدي صورتها مع ابنها
وقالت هاجر الشرنوبي، في بث مباشر بموقع تبادل الصور والفيديوهات "انستجرام": صحيت الصبح على كمية كومنتات مش طبيعية واللي كتبينها مش طبعيين يعني ايه أنزل صور مع ابني وناس مريضة تدخل تكتب اي لازمتها البوسة ويغلطوا في التربية.. اي يجماعة ده اي المرض ده، أنا مش لاقية تفسير للي بيتكتب ده غير في قلوبهم مرض فزادهم الله مرضا، أنا مش لاقية أي تعليق إبني في عيد ميلاده وببوسه اي مشكلتكم الموضوع غريب جدا".
وتابعت هاجر الشرنوبي حديثها، قائلة: "أنا بشوف حاجات سلبية كتير جدا مش برد عليها بس ده عشان حاجة تخصني الحاجة اللي تخصني أنا بسمعها وبطنش ولكن مينفعش أبقى منزلة صورة لابني في عيد ميلاده وهو بيشوف التعليقات ويلاقيها بالسلبية دي انتو ناس مخكم مريض، الصورة دي صورتنا كل سنة وهفضل أتصورها معاه لحد ما يكبر ويتجوز ويخلف.. روحوا اتعالجوا".
عرض هذا المنشور على Instagram
هاجر الشرنوبي تحتفل بعيد ميلادابنها
وكانت هاجر الشرنوبي، مشرت مجموعة صور لها رفقة نجلها من احتفالها بعيد ميلاده، وعلقت عليها قائلة: "كِبر الولد، كل سنه وانت طيب ياأحلي حاجه ف حياتي، أخويا وصاحبي وإبني حبيبي، كل سنه وانت القوس اللي رشق ف قلبي من يوم ما اتولد، إبن عمُري، دعواتكم بالنجاح وصلاح الحال وربنا يفرح قلوبكم بأولادكم جميعآ، وماتنسوش ماشاء الله علشان لسه فاكين الجبس والنبي".
عرض هذا المنشور على Instagram
