"إزاى تفكر في الانتحار وما تحكيش لوالدتها".. مروة صبري تعلق على واقعة ابتزاز ابنة شيرين عبد الوهاب

علقت الإعلامية مروة صبري، على واقعة الابتزاز الإلكتروني التي تعرضت لها هنا ابنة النجمة شيرين عبد الوهاب مؤخرا، مطالبة الأخيرة بالاهتمام ببناتها بشكل أكبر.

وقالت مروة صبري خلال تقديمها برنامج "قعدة ستات" عبر قناة ألفا: "أول حاجة جت في بالي بعد ما شوفت الخبر ده ليه هنا مراحتش حكت الكلام ده لمامتها أقرب حد لها".

وأضافت: "شيرين محتاجة تهتم ببناتها شوية، البنت دي عاشت مشاكل أمها، وبقت لما يحصل لها مشكلة متروحش تقول لمامتها.. إيه اللي يوصل هنا تروح تحكي لواحدة صاحبتها، وربنا بيحبها إن صاحبتها عرفت تتصرف".

وتابعت مروة صبري: "شيرين لازم تحتضن بناتها أكتر من كده.. بنتك محترمة وجميلة ومتربية تربية حلوة، لكن فكرة إنها لما تقع في مشكلة تفضل تنتحر عن إنها تحكيلك دي الكارثة".

حبس مبتز ابنة شيرين عبد الوهاب

يذكر أن محكمة جنايات المنصورة قضت بسجن المتهم بابتزاز ابنة النجمة شيرين عبد الوهاب بالسجن 3 سنوات.