زينة: اتعرض عليا مسلسل تركي.. وهفتقد فريدة سيف النصر في "العتاولة 2"

كشفت الفنانة زينة، عن دخولها الدراما التركية من خلال عمل جديد تم عرضه عليها مؤخرا، وجاري حاليا العمل عليه.

قالت زينة في لقاء مع ET بالعربي: "اتعرض عليا مسلسل تركي قريت السيناريو بس هما بيعملوه بطريقة مختلفة شوية، بيكتبوا 5 حلقات وبعدين وإحنا شغالين يكتبوا باقي الحلقات، أنا معرفتش خصوصا الدور طالعة مصرية لسه بشوف وإن شاء الله يبقى فيه حاجة كويسة".

وأوضحت زينة أن تصوير الجزء الثاني من مسلسل "العتاولة" مستمر ليعرض في رمضان 2025، وعن عدم مشاركة الفنانة فريدة سيف النصر في الجزء الثاني قالت: "هنفتقدها جدا أنا عن نفسي بحبها جدا، لكن فيفي عبده مش هتكمل دورها محدش بيكمل دور حد الناس اللي جات جديد هي أدوار تانية خالص، دايما الأجزاء التانية كده، وفيفي عبده في الكواليس عسل".

جديد زينة في السينما

من جانب آخر، تنتظر زينة عرض أحدث افلامها "الدشاش"، وهو من بطولة محمد سعد، باسم سمرة، نسرين أمين، نسرين طافش، خالد الصاوي، أحمد الرافعي، مريم الجندي، تأليف جوزيف فوزي، وإخراج سامح عبد العزيز، وإنتاج محمد رشيدي.