«هغنلكم ببلاش وهعملكم دعاية أنا وأولادي».. تامر حسني يدعم أصغر المتسابقين في «شارك تانك»
كتب: نسرين إبراهيم
أعلن الفنان تامر حسني، دعمه الكامل لأصغر المتسابقين في برنامج «شارك تانك» والذي وصل عمرهم إلى 12 عاما فقط، ويستثمرون في براند ملابس ورحبت بهم لجنة التحكيم بشكل كبير، معبرين عن إعجابهم الشديد بتفكيرهم وعمل مشروع في هذا السن الصغير.
ونشر تامر حسني، مقطع فيديو للمتسابقين الصغار من البرنامج، عبر حسابه الرسمي على "إنستجرام"، وعلق عليه، قائلا: "الولاد الصغيرين دول محتاجين تحية كبيرة مننا كلنا والتحيه ليهم ولمدرستهم ولأهاليهم وكل الشكر لـ"شارك تانك".
وتابع: "وأنا أحب أقدم كل الدعم ليهم أنا جاهز أحضر حفل افتتاح البراند وأغني، ولو سمحتوا أبعتولي لبسكم أو قولولي بيتباع فين عشان أتصور بيه أنا وآدم وتاليه وأمايا ولادي ونعملكم إعلان برضو مجانا".
واختتم تامر حسني، قائلا: "ياريت الجيل الصغير يتأثر بالولاد دول ويجتهد ويفكر زيهم بدال ضياع الوقت على الفاضي أو قدام التليفونات والآي باد بدون هدف أو تطور.. بجد الأهالي لازم تاخد وقفه مع ولادهم بعد الڤيديو ده ويعرفوا إن السن الصغير ده مبقوش أطفآل وينفع ينجحوا فيه أوي".
View this post on Instagram
