إيناس مكي: اتظلمت من الوسط الفني.. ومش عاجبني المناخ والشللية

أكدت الفنانة إيناس مكي، أنه تعرضت للظلم في مهنة الفن، حيث لم تحصل على المكانة التي كانت تستحقها كفنانة، كما كشفت عن سبب غيابها.

وقالت إيناس مكي في تصريحات لها لبرنامج "قعدة ستات" مع المذيعة مروة صبري: "أنا موجودة، وبحب الفن ومعتزة إن فنانة، بغض النظر عن إننا في زمن غريب، وكلمة فنانة بقت بتتقال لأي حد، وأصبحت ممتهنة، دلوقتي الحكاية بقت مرعبة، زمان كان في تقدير للفن، وحاليا مش عاجبني المناخ، والشللية، زمان كانت الأدوار بتنادي صاحبها، دلوقتي في جهات معينة بتدي أوردر، زي مثلا فلانة هتبقى نجمة السنادي، أنا بقول الكلام ده لأن بعبر عن الناس اللي في البيوت".

وأكدت أنها تعرضت للظلم في الوسط الفني، قائلة: "مش هلاقي منطقة ظلم في حياتي إلا في مهنتي، من كتر ما بحب المهنة بتاعتي وببصلها على أنها مهنة لها قيمة، فببصلها من ناحية تانية إللي هي احنا في النهاية عمر سنين، فساعات أقول أنا لم أستغل الـ10 سنين اللي فاتوا كطافة فنية، محصلش إنه يحصل استفادة من بصمتي مع الناس الجمهور".

وعن إذا كان غيابها تقصير منها، قالت: "لا أعتقد أنه تقصير مني لسبب أنا بعتبر إن المجهود اللي عليا هو من بعد ما اتفق على الشغل لكن السوق بيقولك العكس".

وفاة والدة إيناس مكي

وكانت قد فقد إيناس مكي وشقيقها الفنان أحمد مكي، والدتهما منذ أكثر من شهر، والتي رحلت عن عالمنا في نوفمبر الماضي، ويعد ظهورها في "قعدة ستات" هو الأول لها بعد رحيل والدتها.