بعد تحقيقه 4 مليون جنيه في يومين.. أبرز تصريحات محمد سعد عن "الدشاش"

يتصدر النجم محمد سعد، شباك التذاكر لليوم الثاني على التوالي بفيلمه الجديد "الدشاش"، حيث نجح العمل في أن يجني حتى الآن ما يزيد عن الـ4 مليون جنيه، ومن المتوقع أن يحصد المزيد في الأيام المقبلة.

ويعد فيلم "الدشاش" عودة قوية للنجم محمد سعد من خلال السينما بعد غياب أكثر من 5 سنوات، وكان قد أكد في تصريحات جديدة له أنه سعى من خلال هذا العمل لتغيير جلده الفني، وجاءت أبرز تصريحاته على هامش احتفاله بالفيلم كما يلي:

تصريحات محمد سعد عن فيلم "الدشاش"

ـ كان نفسي أقدم عمل بعيد عن الكوميديا والكاركترات، لكن كنت مستني ورق وفكرة كويسة، والحمد لله لقيت الفكرة اللي فيها كل الأشكال اللي الناس عايزة تشوفني فيها، دراما وأكشن وشوية كوميديا خفيفة، وده راجع لسيناريو جوزيف فوزي وتفصيلات المخرج سامح عبد العزيز، والمنتج محمد رشيدي اللي بذل مجهود كبير.

ـ كنت قاصد أبعد عن الكاركترات اللي أرهقتني سنين كتيرة، ومش خايف إن بعدت عن الكوميديا، لأن الجمهور سبق وتقبلني في شخصية بشر اللي قدمتها في فيلم الكنز، ونجحت معاه.

ـ أنا مش بنافس حد بنافس نفسي بس، وبتمنى أكون بقدم للناس حاجة كويسة أنا وفريق العمل وأبطاله لأن الفن لعبة جماعية.

ـ سعيد إن إفيهات أفلامي بيتم تداولها على السوشيال ميديا، وده بيطمني إن موجود عند الناس وبيخوفني لأن عايز أحافظ على حبهم.

ـ مفيش حد هيسد خانة حسن حسني، ورشوان توفيق تميمة حظ فيلم "الدشاش".

ـ سعيد بعودة التعاون مع الفنانة زينة في الفيلم، وبتربطني بيها علاقة صداقة قوية وعشرة عمر، وبرتاح في الشغل معاها، والدشاش مباراة تمثيلية بين كل أبطاله.