بعد تحقيقه 7 ملايين جنيه خلال 3 أيام.. محمد سعد: الدشاش هيساعدني أقدم اللي الناس طلبته مني
كتب: حسناء حسن
تحدث الفنان محمد سعد، عن كواليس فيلم« الدشاش» حيث أكد أنه العمل يعد خطوة مهمة في مشواره الفني.
وقال في مداخلة هاتفية مع برنامج حديث القاهرة: «لما يكون فيه فرصة الواحد نفسه يعملها والجمهور يطلبها منه، مسألة صعبة أن الواحد يلاقي ورق يتماشى مع كل كلمة الجمهور بيقولها لي في الشارع وأنا ماشي».
View this post on Instagram
وتابع: «كان صعب إني ألاقي ورق بالشكل اللي يقدر يشوف رغبة المتفرج في أن يشوف محمد سعد بالشكل ده، والحمد لله حصل ثناء عليه من ناس كتير وأتمنى يكون خطوة نحو الطريق اللي أنا رايح له صح».
وأردف: «من أيام اللمبي لا أتوقع أي شئ، بنظر للسلم اللي أنا واقف عليه فقط، أنا راضي بالشغل اللي أنا عملته ولكل مجتهد نصيب».
واستطرد: «مكنش ينفع أسلم نفسي لورق مش مظبوط ومخرج مش على قدر الورق ولا إنتاج على قدر العمل الفني، أنا شايف إن الدشاش خطوة لأني أقول للناس لو عايزين من ده فده موجود وبإذن الله نعمل أحسن من كده في المستقبل».
