أنغام: رحلة ألبوم "تيجي نسيب" ممتعة رغم مشقتها وكان وراها مبدعين كتير كبار
كتب: نسرين إبراهيم
تحدثت النجمة أنغام، خلال حفل إطلاق كليبها الجديد "تيجي نسيب" عن الأغنية وصناع ألبومها الذي حمل نفس الاسم وحقق نجاحا كبيرا الفترة الماضية.
وقالت أنغام، عن رحلتها مع ألبوم "تيجي نسيب": "رحلة ممتعة وصعبة ومليانة تحدي ومليانة فنانين كبار أوي ومبدعين كبار أوي هما اللي أعانوني على الرحلة دي وهما اللي حققوا معايا النجاح ده والمزيكا الحلوة اللي طلعت والمستوى الفني الراقي اللي طلع، أنا معملتهوش لوحدي أنا ورايا ناس كتير مبدعين، ومهمين جدا".
وعن سبب اختيارها لأغنية "تيجي نسيب" لتصويرها، قالت: "احنا بنختار جدا الأغنية اللي يطلع منها صورة ومشاعر وأحاسيس.. الأقرب للسينما".
وأضافت: "أنا بشتغل على أغنية تعيش، الشغل متعب صحيح لكن لما بتتفرج على نجاحك بتحس التعب ده وراك خلاص إنت مبسوط باللي أنت أنجزته".
وعن تعاونها مع الفنان أكرم حسني، كشاعر: أنا ما خرجتش حاجة من أكرم، هي كانت مخبيها وخرجها، أنا غنيت من كلمات أكرم حسني الشاعر الموهوب جدا، الحقيقة في مصاف كبار الشعراء الغنائيين".
