حسين غاندي: كل مغنيين المهرجانات بيسرقوا الألحان وأولهم بيكا وشاكوش

أطلق الفنان حسين غاندي، عدة تصريحات مثيرة للجدل خلال استضافته في برنامج "آخر اليوم" الذي تقدمه الإعلامية سارة نخلة على قناة "هي"، حيث تحدث عن نجاح الفنان حسن شاكوش وسرقة الألحان في الوسط الفني الشعبي.

قال غاندي: "حسن شاكوش مكنش معروف في البداية، احنا كنا وش الخير عليه، وغنى معانا في البداية أغنية (كله يسكت اسمعوا)، واللي نجحوا ربنا وبعدها أنا. فيجو اللي أقصده مش فيجو الدخلاوي بتاع إسكندرية، ده فيجو مدينة السلام موزع مميز".

وأضاف غاندي أن الساحة الفنية مليئة بسرقة الألحان، قائلاً: "كل اللي في المجال بيسرق اللحن إلا أنا، وواقف لوحدي وناجح لوحدي بعد ربنا وبدعوات أمي".

ووجه اتهامات مباشرة لثلاثة من أبرز نجوم المهرجانات: "شاكوش، حمو بيكا، وعمر كمال أكتر ثلاثة بيسرقوا الألحان، وكل أغانيهم مسروقة".

واختتم غاندي تصريحاته قائلاً: “أنا في العشرة اللي بينافسوا على الساحة، لكن في نظر نفسي رقم واحد.”