ياسمين عز لـ الأزواج: «امسح دموع مراتك بـ100 دولار مش دموعها غالية»
كتب: أمنية مدحت
وجهت الإعلامية ياسمين عز، مجموعة من النصائح والرسائل للزوجات، عبر برنامجها«كلام الناس».
نصائح ياسمين عز لـ«الزوجات»
وقالت ياسمين عز للزوجات: «قومي اعملي لجوزك شوية قراقيش وقرص من اللي بيوزعوها في الأربعين على الترب أو في القرافة.. أيهما أقرب».
وأضافت «عز» عبر برنامجها «كلام الناس» والذي يعرض على قناة MBC MASR: «قومي أكلي جوزك لحسن ياكلنا، هفتان وغلبان فاضل ياكل دراعك».
كما وجهت رسالة إلى الأزواج قائلة: «لما مراتك حبيبتك تعيط ودموعها تنزل على خدها، ماتديهاش منديل، لغوا المنديل امسح لها دمعتها بـ200 جنيه أو 100 دولار.. لو أنت شغال عادي امسح الدمعة بفلوس مصري.. ولو شغال في شركة بترول يبقى بالدولار».
وأضافت «عز»: «مش بيقولك دموعك غالية عندي خليه يدفع بقى. هي بتقبل الكاش أو الفيزا عادي.. لو كل دمعة حسبناها بفلوس شوفي هتعملي كام في الشهر، وهو هيخليكي تبطلي عياط».
