نجلاء بدر: بشوف نفسي زوجة مثالية.. ووالدتي كانت شديدة ووالدي كان أحن منها

تحدثت الفنانة نجلاء بدر، عن حياتها الشخصية وعلاقتها بوالديها، وما كان يتميز به كل منهما، كما كشفت عن نقطة ضعفها، وذلك في لقاء تلفزيوني جديد لها.

ويرصد موقع "العاصمة" عدد من التصريحات التي أدلت بها نجلاء بدر خلال الحلقة والتي كشفت عن الوجه الإنساني لها بعيدا عن التمثيل.

ـ أنا كنت طفلة قريبة من الأب جدا ومامتي كانت بالنسبة لي ضرتي.

ـ كنت بعشق بابا جدا وكان قمور جدا وكان عقلاني جدا ومكنش الأب الشديد اللي بيزعق ومكنش بيدخل في ـ قرارتنا حتى لو غلط بس كان بيقف جنبنا بعدها.

ـ كنت بحب ماما بس كنت بحس اعات أنها العنصر الشرير في البيت واللي بتفتن عليا ومع إنها كانت حنينة بس كنت بحس إن بابا أحن بس هي كانت شديدة.

ـ كان نفسي يكونوا والدي ووالدتي الله يرحمهم موجودين وقت جوازي.

ـ بابا كان له هيبة وكان بيعززنا أوي لما حد يتقدم نفسيا مش بشكل مادي.

ـ بشوف نفسي زوجة مثالية جدا.

ـ ماما دايماً تقولي عيبك إن قلبك ضعيف بس كنت بقولها ربنا اللي خلقني كده.

ـ أنا حنينة زيادة عن اللزوم بس فخورة بيها عشان بقى ناس كتير معندهاش ده.

ـ نقطة ضعفي الحنية بس أنا مش مضايقة لإن أنا بعامل بيها عشان ربنا مش عشان الناس.