مرتضى منصور: الزمالك منهار.. والأهلي بيبص في طبق غيره
كتب: محمود جودة
هاجم مرتضى منصور، رئيس مجلس إدارة نادي الزمالك السابق، مجلس إدارة النادي الحالي، برئاسة حسين لبيب، في تصريحات بمنزله، اليوم السبت.
وقال مرتضى منصور في تصريحاته: "نادي الزمالك منهار من وقت ما تواجد المجلس الحالي، مش أنا اللي خليته ينهار".
وأضاف: "أنا اللي عندي عزبة وجبت 11 لاعب بملايين وسبتهم كدة، والمحلات بجوار النادي بتتأجر بـ 1000 جنيه في السنة، وأنا كنت مخليها بـ 750 ألف جنيه في الشهر، يبقى أنا اللي خليتها عزبة".
واستكمل مرتضى منصور في تصريحاته: "ميدو مجنون زمالك. أنا مش زعلان منه، هو شعوره إنه عايز يزق شوية اللي مش بيتزق، وده بقدر المستطاع".
وعن صفقة انتقال أشرف بن شرقي لاعب الزمالك الأسبق إلى النادي الأهلي قال مرتضى منصور: "الأهلي ليه دائمًا بيبص في طبق الزمالك. احنا نختار ونجهز وأنت تاخد على الجاهز، طيب متاخدتش اللاعب ليه من الأول".
