هيدي كرم: عملت عملية شد وش وفي حاجات لما بتبوظ لازم تدخل جراحي

كشفت الفنانة هيدي كرم عن خضوعها لعملية تجميل في وجهها، هي سبب تغير ملامحها مؤخرا.

قالت هيدي كرم في فيديو عبر خاصية الاستوري بحسابها على "إنستجرام": "شايفة إن في ناس كتير أوي بعد حلقة ريهام سعيد بدأت تسأل هيدي عملت إيه في وشها، وبدأت تحط لي صور من شهرين وشهر وصور من حلقة إمبارح، هي عملت Skin Booster (حقن تحسين البشرة)، ودي نتيجة السكين بوسترز، لأ دي مش نتيجة السكين بوستر، أنا عملت Face Lift (شد وجه)، وسعيدة جدا بالقرار والعملية، وكانت تجربة ناجحة وهايلة وجميلة، وبنصح بيها أي واحدة عايزة تحسن من شكلها في حاجات مضيقاها. 

وتابعت: في حاجات لما بتبوظ ماينفعش تتعالج ولا بالفيلر ولا بالبوتكس ولا بالسكين بوستر، في حاجات بتحتاج تدخل جراحي، زي الرقبة لو مش مشدودة زي الأول والـJaw Line (رسم الفك)، أولا الرقبة ملهاش علاج، لو في شوية ترهل في عضلات الرقبة مافيش علاج، رسم الفك لو مش محدد زي الأول وحقنا فيلر عشان تملى البشرة، مع الوقت وشنا هيتضخم ويكبر جدا، وهيقلب Pillow Face، وعشان أتجنب كل دا وعشان وشي وشكلي مايتغيرش بالنسبة للناس على الكاميرا عملت شد وجه، ودا أحلى قرار أنا عملته، وعملت العملية على يد طبيب تجميل مصري.

آخر أعمال هيدي كرم

يذكر أن هيدي كرم عرض لها مؤخرا عبر قناة ON مسلسل "وتر حساس"، بطولة صبا مبارك ومحمد علاء وإنجي المقدم وهيدي كرم وأحمد جمال سعيد ومحمد العمروسي وهاجر عفيفي ولطيفة فهمي وتميم عبده وأحمد طارق نور ومحمد علي رزق، وهو من تأليف أمين جمال وإخراج وائل فرج.