سلمى صباحي عن عمرو مصطفى: غلط في أبويا كتير بس أنا دعيتله بالشفاء

تحدثت المطربة سلمى صباحي عن بعض الذكريات مع المطرب والملحن عمرو مصطفى، فيما تمنت له الشفاء في وعكته الصحية الحالية بعد إصابته بمرض السرطان، وإجرائه عملية جراحية لاستئصال الورم.

قالت سلمى صباحي عبر صفحتها الرسمية: "كنت بدعي بعد الصلاة ولقتني بدعي لعمرو مصطفى بالشفاء، هو غلط فيا وفي أبويا كتير، أنا ممكن أسامح في حقي لكن حق أبويا وأمي لأ".

وأضافت: "لكن أبويا ده نفسه اللي علمني التسامح والحب من صغري، وعلمني أن في الظروف الصعبة لازم نكون جنب بعض وننسى أي خصام، مفيش ظروف أصعب من المرض".

وذكرت سلمى صباحي، تفاصيل اللقاء الوحيد الذي جمعها بالفنان عمرو مصطفى، وذلك في عام 2011، قائلة: "أنا عندي قناعة من جوايا إنه شخص قلبه طيب، المرة الوحيدة اللي قابلته اتكسف أول ما شافني واعتذرلي إنه قال عني كلام مش لطيف، حسيت إن قلبه طيب، هو غلط فينا تاني بعدها بس المسامح كريم".

واختتمت: “ربنا يشفي عمرو مصطفى ويعافيه ويقومه بالسلامة لبنته وأهله وحبايبه بحق الأيام العظيمة دي”.