صابرين: «أصعب قرار خدته في حياتي ارتداء الحجاب وتركه.. وفيلم الملحد رسالته عظيمة»

حلت الفنانة صابرين ضيفة على برنامج "حبر سري" تقديم الإعلامية أسما إبراهيم، اليوم الخميس، ونرصد خلال السطور الآتية أبرز تصريحات صابرين.

تصريحات صابرين عن الحجاب

وأكدت الفنانة صابرين على أن ارتداء الحجاب وخلعه كان أصعب قرار في حياتها، قائلة: "أصعب قرار أخدته في حياتي إني اتحجبت وإني قلعت الحجاب.. قبل ما اخلع الحجاب مكنتش راضية عن نفسي.. والباروكة كنت بقنع نفسي بيها وفي الآخر لا يكلف الله نفسا إلا وسعها وفي النهاية قررت يا كدا يا كدا.. كنت بتلكك إني أقتنع بالباروكة واني صح.. الحجاب هنحطه هنحطه لما نموت كدا كدا هنلبسه".

أما عن فيلم الملحد، قالت صابرين: "نفسي الفيلم ينزل.. رسالة الفيلم عظيمة جدا وهو من الأفلام اللي تعبت فيها أوي".

صابرين تتحدث عن زوجها

كما تحدثت صابرين عن زوجها، وقالت: "عامر لو كان جوزي من البداية كان ممكن ننفصل عشان مشاكل الأولاد وشغلي وشغله.. احنا رجعنا لبعض واحنا مختارين بعض.. وعمرنا ما اتخانقنا واحنا صغيرين.. ودلوقتي احنا بنونس بعض.. لو كان أولادي رفضوا الجوازة كان هيرفض عشان هو بيحبهم، وأنا مكنتش هعمل حاجة من غير رغبة أولادي.. ومن أول مكالمة ليا بعد الطلاق قالي أنا جاي اتجوزك وكنت فاتحة الاسبيكر وأولادي سامعين.. ربنا يستر ومنتطلقش، وبرفض أشتغل اي حاجة من إنتاج جوزي وأول حاجة هنتعاون فيها هتكون للأطفال".