مترتب على حجم الدور.. محمد رجب يكشف عن موقفه من العمل مع محمد رمضان
كتب: أمنية مدحت
كشف الفنان محمد رجب، عن علاقته بالفنان أحمد عز، وموقفه من العمل مع النجم محمد رمضان حال عرض العمل معه.
جاء ذلك خلال حلوله ضيفا على برنامج «أسرار» تقديم الإعلامية أميرة بدر.
محمد رجب: أحمد عز صديق مقرب
وقال إن أحمد عز صديق مقرب له وعاشوا مع بعض كل التجارب حتى الانطلاق في العمل الفني، وكان بيسيب السياحة وأنا أسيب الشغل بتاعي ونشوف حظنا وكنت بروح له البيت كتير بعد ما خلصنا مذكرات مراهقة.
وأضاف: "كنا بنشوف بعض بشكل يومي في أعمال فنية وهو ملتزم وصاحب صاحبه ومش بيحب يجيب سيرة حد وفي حالة، وبقالنا كتير متقبلناش لكن بيننا عشرة سنين كتير أوي".
محمد رجب يكشف عن موقفه من العمل مع محمد رمضان
وحول موقفه من العمل مع محمد رمضان: "موقفي مترتب على الدور من ناحية حجمه والوضع اللي هبقى في الفيلم عامل إزاي ولازم أشوف الورق الأول، أنا بحب محمد رمضان ولو في موضوع يليق بيا وبحجمي أعمله".
وتابع: "محمد رمضان ميجا ستار وأنا ستار، المفروض اسمه يتكتب قبل اسمي على العمل، وعشان أقدر أروح المشوار اللي أنا عايزه لازم أعرف أنا قاعد فين الأول، وهدفي أكون ميجا ستار وأنا بعمل اللي عليها وإنها تيجي أو متجيش شيء بتاع ربنا".
مسلسل الحلانجي
ويخوض محمد رجب السباق الرمضاني بمسلسل "الحلانجي" بطولة محمد لطفي، عبير صبري، محمود قابيل، ايتن عامر، أحمد وفيق، وغيرهم من الفنانين، وتأليف محمود حمدان، وإخراج معتز حسام، وإنتاج ممدوح شاهين.
