إلهام شاهين: محمد سامي لم يعتزل الفن.. وهيخرج فيلم عالمي في أمريكا

قالت النجمة إلهام شاهين إن القرار الذي أعلن عنه المخرج محمد سامي خلال الساعات الماضية لا يعني اعتزاله الفن.

وأضافت في تصريحات لبرنامج ET بالعربي: "مفيش قرار اعتزال ولا حاجة، هو في بيانه قال إنه مش عايز يعمل دراما تليفزيونية لأنه قدم خلاص كل حاجة فيها، لكن هو هيعمل سينما، وإنه هيكون برا مصر".

وتابعت إلهام شاهين: "أنا معلوماتي إنه هيخرج فيلم عالمي كبير في أمريكا، ربنا يوفقه ونتباهى به كمخرج مصري قدر يوصل للعالمية، زي المخرج السوري مصطفى العقاد اللي عمل أفلام كبيرة في أمريكا".

محمد سامي يعلن اعتزاله الدراما

وكان المخرج محمد سامي أعلن في بيان عن اعتزاله الإخراج التليفزيوني قائلا: "وداعا الدراما التلفزيونية، السنة دي كانت آخر أعمالي التلفزيونية، واللي فيها بودع المسلسلات، رحلة طويلة حولي 15 سنة، قدمت فيهم كل اللي قدرت عليه لإسعاد الجمهور العربي، وحققت بفضل ربنا نجاحات مع نجوم كتير و مع شركات و قنوات كلها مهمة، و كان دايما الجمهور بيشجعني، سواء بردود الأفعال أو بتصويته ليا في الجوائز، أي نجاح حققته كان بفضل ربنا و الجمهور"