حسن الرداد عن انتقادات مسلسله "عقبال عندكم": لا يهمني آراء السوشيال ميديا
كتب: متابعات
تحدث الفنان حسن الرداد على مسلسله «عقبال عندكو» الذي شارك به في موسم رمضان 2025 مع زوجته إيمي سمير غانم، موضحًا رأيه في الانتقادات التي واجهها.
وقال حسن الرداد في لقاء مع ET بالعربي: «أنا راضي عن مسلسل عقبال عندكوا أكتر من أي مسلسلات عملتها من أكتر وأجمل مواقع التصوير اللي انبسطت فيها مع المخرج علاء إسماعيل، فهو مخرج مهم جدا واعتقد هيعمل نجاحات كتيرة الفترة اللي جايه، أحمد والي وعلاء حسن المؤلفين بحب اشتغل معاهم هايلين والكوميديا لذيذة ومحترمة، وإيمي أحلى حاجة رجعنا نشتغل مع بعض بعد حوالي 7 سنين كانت متألقة ولذيذة».
وعن تعليقات الجمهور عبر مواقع التواصل الاجتماعي قال حسن الرداد: «بفهم أن في ناس بتنقد بشكل علمي وبفهم أن في ناس حقودة وغيرانه وناس بتبقى عايزة تمثل ومعرفتش، لازم الواحد يبقى عنده فطنة ويفهم إيه الايجابيات والسلبيات أي فنان بيعمل عمل هو عايز يقدم أفضل شيء عشان يبسط الناس وفي عوامل كتيرة جدا في العمل بتبقى خارج عن إرادة الممثل في إخراج وإنتاج».
وتابع: «السوشيال ميديا أنا لا بقرأ فيها الكلام الإيجابي ولا السلبي بس ببقى عارف إيه اللي بيحصل لأن الناس اللي بتكتب تعليقات سلبية وارد يبقى مش عاجبها المسلسل ووارد تبقى لجان لأن دلوقتي بقى فيه بيزنس اسمه اللجان الإليكترونية دا كله في عالم السوشيال ميديا لو قفلته وروحت للحياة الطبيعية وتقابل الناس بتعرف إيه اللي عاجب الناس».
View this post on Instagram
مسلسل «عقبال عندكو» عرض في النصف الأول من رمضان، وشارك في بطولته إلى جانب إيمى سمير غانم وحسن الرداد كل من: محمد ثروت، إنعام سالوسة، عارفة عبدالرسول، علاء مرسي، وحجاج عبدالعظيم، ومن تأليف أحمد سعد والي وعلاء حسن وإخراج علاء إسماعيل، ومن إنتاج أحمد السبكي.
