هالة صدقي: الفن ملهوش أمان ولازم الفنان يكون عنده شغل تانى غيره

حققت الفنانة هالة صدقي نجاح كبير في الموسم الرمضاني الحالي من خلال مشاركتها في مسلسل "إش إش" ومسلسل "قهوة المحطة".

وتحدثت هالة خلال لقاء لها عن العديد من الأشياء وأهمها أن يكون للفنان بيزنس خاص به بجانب الفن وقال:"لازم الفنان يحترم نفسه ويحترم تاريخه وده سبب يخليه يكون عنده بيزنس خاصة بعيد عن الفن لأن الفن ملهوش أمان، أو تقبل بأي دور يجيلك عشان تقدر تشتغل". 

وتحدثت أيضاً عن نجاح شخصية شادية في مسلسل إش إش، وقالت:" يهمني جداً كـ هالة أن الناس تتوقع أن هعمل ايه كوميدي أو درامي، وده اللى خلى الناس تتفاجأ في الأول من شخصية شادية وإلا كانوا بيقولوا أن يقلد شخصية صفصف". 

وعن محمد سامي قالت:" محمد سامي فنان نادر ومخلص في شغله وده بيجي على أعصابه بشكل كبير وبتمني ميكررش تجربة أنه يعمل مسلسلين في موسم واحد لأن ده بيأثر عليه وهو سبب قراره في الأعتزال، لكن هيرجع الموضوع مش بمزاجه"

وأشاد هالة صدقي خلال اللقاء بفريق عمل مسلسل إش إش، وقالت:" انتصار كانت مفاجأة وكنت بتابع معاها كل يوم لحد ما اتأكدت أنها مضت على الدور، ومي عمر أثبت نفسها بجدار، وعصام السقا وشيماء سيف عاملين أدوار جديدة، وأدور ودينا كمان، والمفاجأة في الأيام اللى جاية هو ماجد المصري". 

وحرصت هالة صدقي على الإشادة بـ الفنانة إلهام شاهين وشخصيتها في مسلسل "سيد الناس" وقالت:" إلهام عاملة شخصية جديدة وحلوة وأنا اللى كنت بزن عليها عشان تنزل تشتغل المسلسل، وبقول ليسرا أنتي أخدتي فترة الراحة بتاعتك ولازم ترجعي تشتغلى".

وأشادت ايضاً بالنجوم الشباب وقالت:"لازم ينجحوا ولازم ياخدوا بطولات، وكنت مبسوطة بمشاركتي في مسلسل قهوة المحطة لأنه عمل مهم جدا".