«بيدعوا عليا بالموت».. ابن أحمد السقا يرد على انتقادات دوره في «سيد الناس»
كتب: نسرين إبراهيم
علق الممثل الشاب ياسين السقا ابن الفنان أحمد السقا، على الانتقادات التي تعرض لها بعد دوره في مسلسل «سيد الناس» الذي عرض في رمضان الماضي 2025.
وقال ياسين السقا، في منشور له عبر حسابه الرسمي بموقع الصور والفيديو «إنستجرام»:«أولًا، عايز أقول لكم عيد سعيد، ويا رب يكون خير عليكم وعلى كل حبايبكم وعلينا كلنا».
وأضاف: «أنا كنت عايز أنزل البوست ده بقالي فترة، بس كنت بفكر أكتب إيه، في ناس زعلانة من منشور نزلته، من كام يوم كده اتهاجمت عليه كتير للأسف في ناس زعلت مني واللي في بالي دول بعتذر لهم، لأن في ناس فعلًا بتنتقد باحترام حتى لو الدور مكنش كبير ومش مفهوم أوي من الجمهور أنا متقبل ده تماما وداخل المسلسل وعارف ده، وفي اللي فهم الدور واللهجة والكلام المكسر، علشان طارق طول عمره عايش في لندن».
وتابع: «الأغلبية من الناس هما اللي فاكرين نفسهم نقاد وبيستخدموا الشتايم وبيتنمروا، ويجيبوا سيرة والدي ووالدتي بمجرد بس إن والدي أحمد السقا، وفي ناس مجرد أن ده والدي، وليه ناس مش بتحبه شخصًا لازم يشتموني ويجيبوا سيرة الأم والأب، وحتى يدعوا عليا بالموت، أحب أقول للمحترمين إني بعتذر عن المنشور اللي نشرته بتاع الأسد وده مش موجه ليكم أبدًا وللحاقدين ربنا يهديكم، وأنا هنجح وهتشوفوا إن اللي خلف مامتش».
View this post on Instagram
