مصطفى شعبان: بقالي 5 سنين بفكر أقدم عمل صعيدي.. "وحكيم باشا" كان مخاطرة حلوة

تحدث النجم مصطفى شعبان عن مسلسل حكيم باشا ونجاح الذي حققه خلال حلوله ضيفاً ببرنامج "واحد من الناس" تقديم الإعلامي عمرو الليثي، على قناة الحياة.

وقال مصطفى شعبان: "بنبسط لما بعمل مجهود ويكلل بالنجاح، لأن اللى بعمله هو الاجتهاد أما النتائج مش بتاعتنا بتكون نتيجة الاجتهاد ده".

وأضاف: "بقالي 5 سنين بفكر أقدم صعيدي، ولكن كنت بدور على موضوع ميكنش تقليدي وتكون اللغة حلوة، والصعيد مينفعش يكون قصة بطل بس، لازم يكون في أحداث، كنت مستني موضوع ثري لحد ما لقيت حكيم باشا.

وعن تقديم لأول مرة صعيدي قال مصطفى شعبان: "طبعا مخاطرة ولكن مخاطرة حلوة ولكل مجتهد نصيب، وإحنا اجتهدنا واشتغلنا على العمل من العام الماضي، من وقت العيد اللى فات، وفكرنا في موضوع اللهجة والملابس والتفاصيل، والقرية تم بناؤها بالكامل، حتى القصر تم بناء جزء ديكورات وجزء جرافيك، فكل فريق العمل بذل مجهودا كبيرا".

واحتفلت أسرة البرنامج بنجاح مسلسل حكيم باشا رفقة نجومه، وهم:  الفنانة دينا فؤاد، سهر الصايغ، رياض الخولي، منذر رياحنة، فتوح أحمد، أحمد فؤاد سليم، هاجر الشرنوبي، ميدو عادل، المخرج أحمد خالد أمين، أحمد صيام، سلوى عثمان، أحمد بسيم.