"معنديش مشكلة".. ابن هيدي كرم يكشف عن موقفه في فكرة زواجها مجددا

كشف نديم ابن الفنانة هيدي كرم عن رأيه في فكرة زواج والدته مجددا، وذلك خلال استضافته ووالدته في بودكاست "اللعب مع الكبار" من تقديم الإعلامي رامي رضوان.

وقال نديم: "معنديش مشكلة في القرار بالنسبة ليا عادي، في الأول وفي الآخر دي أمي وأنا بشوف أن كل شخص بيعمل اللي بيريحه وزي ما هي بتشوفني مبسوط هتنبسط، عايز أشوفها مبسوطة ومرتاحة ودا بالنسبالي كافي، هيبقى عندي رأي عن الشخص دا لكن رأيي دا لو هي مش شايفاه صح وهي مبسوطة هيبقى بالنسبة ليا تمام".

وعن إن كان معترضا على الشخص الذي ترتبط به والدته لكنها تكمل معه حياتها ماذا سيفعل حينها قال نديم: "على حسب مدى الاعتراض بتاعي وعلى حسب أنا شايفها بتتعامل مع الاعتراض دا إزاي، هل أن لأ أنا شايفه دا ودا اللي عاجبني وهعمله وأنا عارف أنها مش هتعمل كده، هتفرق على حسب أنا معترض على إيه وقد إيه وحسب الرد بتاعها على الاعتراض دا".

وأضافت والدته لتقول له لأول مرة شعورها عن الارتباط بشخص جديد، قائلة: "أنا لما بفكر في الارتباط بقول ماذا لو العلاقة منجحتش أو الطرف الجديد ضايقني، هعمل إيه؟ بفتكر على طول أن فيه نديم وإني عندي راجل ودي حاجة بتحصل مؤخرا عندي سندي وأنه مش هيخلي حاجة تحصلي وهيدافع عني، ربنا يخليلي أبويا بس بحس أن في ضهر تاني".