بعد انتهاء أزمته.. عصام صاصا: أصحابي خذلوني.. وفي ناس فكرت ماليش قومة تاني
كتب: نسرين إبراهيم
أعرب الفنان عصام صاصا، عن استيائه الشديد بسبب رد فعل عدد من أصدقائه المقربين بعد أزمته وخلال فترة عقوبته.
وقال عصام صاصا، في لقائه مع الإعلامية ياسمين عز، في برنامجه كلام الناس: أصحابي القريبين من المجال ومن خارجه خذولني، والأزمة دي كانت غربال وفيه بشر سقطت والجدع بيكمل للآخر، ولقيت الغربال فضي في الآخر، واللي فضل 5% حتى اللي مأثرش معاملته اتغيرت يعني كان بيتعامل معايا بهدف، وناس فكرت أن ماليش قومة وخلاص.
وأضاف عصام صاصا: اتعلمت أني أتعامل مع كل الناس عادي بس أنا عارف الشخص اللي قدامي وأحلله مليار مرة قبل ما آمن له، حد صاحبي موقفش جنبي وأنا مدتش ليه فرصة أنه يبرر ليا وعمره ما هيرجع لربع المكانة اللي كان فيها.
كما أوضح عصام صاصا، أنه لم يهرب خارج البلاد وقت أزمته، قائلًا: كان عندي حفلة في الإمارات ونزلت البوستر قبل الحادثة بـ 10 أيام، وأنا مكنش في نيتي أني أهرب ولا أي حاجة من اللي اتقالت، ومكنتش قادر أقف على رجلي.
